百姓的日常生活_畅享发现新生活

[试用]Sony A6300值唔值得升级?

作者: 2020-06-10收藏:948

[试用]Sony A6300值唔值得升级?

话说当年Sony A6000一出,2400万像素APS-C感光元件、高速对焦同轻便机身,内置EVF同热靴,净机索价四千几,笔者即时狗冲。笔者即使用到今时今日仍然相当满意,自己亦犹豫紧需唔需要升级A6300。毕竟A6300只係中阶定位配APS-C格式,但开价竟同全片幅A7II贴近,甚至比仲有货尾嘅A7要贵。为咗帮自己、大家研究吓值唔值得花多一倍钱升级,于是借部A6300返嚟试一试。如果想睇返呢部机嘅基本介绍请按此。

[试用]Sony A6300值唔值得升级?
◆ 就咁睇同A6000九成九似样。[试用]Sony A6300值唔值得升级?
◆ 后面睇分别都唔大。[试用]Sony A6300值唔值得升级?
◆ 笔者觉得喺把手位加埋个前转盘就perfect池![试用]Sony A6300值唔值得升级?
◆ 内置闪灯聊胜于无咁啰。

对焦明显快

A6300主要卖点有两个,第一係超高速嘅对焦系统:相位对焦点加到425点,并且分布喺接近全个画面,好处係对住移动中主体唔使一定要保持喺画面中心亦追得到,而且就算主体喺画面任何地方都得到最快嘅对焦效果。A6000对焦速度已经算快,但一拎A6300上手一对,就会感受到提升至另一个层次,甚至连A7RII亦畀唔到极速感。另一方面,相位对焦区分布到成个画面,好似笔者呢种成日影囡囡习惯开人面对焦嘅人会觉得好用好多,因为不论咩构图都可以得到同样嘅对焦速度。

[试用]Sony A6300值唔值得升级?◆ 笔者唔太建议呢部机用A mount镜,都係用返E mount镜啦。

不过以上所讲嘅只係适用于E mount镜头。基于A7RII用咗LA-EA3转接器,配合SSM嘅A mount镜都有唔错嘅对焦速度,笔者照板煮碗将A6300加LA-EA3转接器,再装支原厂70~200mm f2.8 SSM II镜头上去,发现对焦效果唔算太好,会视乎情况而时快时慢,因此唔建议大家咁做喇!

4K拍片乜都抵晒

A6000拍片功能只称得上係「好过冇」,而A6300第二个主要卖点就係提升4K拍片解像度,兼大幅增强拍片功能。硬件上佢加入咗「MIC-IN」插口,等大家按唔同情况装上各款收音咪。不过,原来A6300仍好似A6000咁唔支援原厂部份MI头(即机顶热靴)收音配件,只能用返3.5mm接口嘅收音咪。

[试用]Sony A6300值唔值得升级?
◆ 多个个MIC IN接口,可惜冇Headphone Out。[试用]Sony A6300值唔值得升级?
◆ 依家用细容量卡都可以拍XAVC S格式影片。[试用]Sony A6300值唔值得升级?
◆ 拍全高清的话甚至可以选择100/120fps。[试用]Sony A6300值唔值得升级?
◆ HRF都可以选择100fps或者120fps,分别係出嚟段片已经係慢动作。[试用]Sony A6300值唔值得升级?
◆ S-Log3效果令你拍片更加pro。

4K影片最大好处当然係拥有更细緻嘅画面,大家透过测试影片睇得到。A6300同时提供更丰富嘅拍片功能,例如支援S-Log 3、Super 35mm格式、100/120fps全高清影片等等,弹性更高。笔者认为由于机身缺乏五轴防震,所以唔好当成主机咁用。以佢咁细嘅体积,如果为拍片而买,最好用嚟拍刁钻角度,或者当后备机用。另有两个地方值得留意,首先如果LCD使用针对室外环境嘅「晴朗天气」亮度,一入4K或者100Mbps全高清拍片模式,佢就会自动变返正常光度。第二点係以往Sony机如选用XAVC-S格式影片,就一定要用64GB或以上嘅记忆卡,但A6300冇呢个限制,16GB、32GB卡照样拍到4K片。

影像质素

可能比较少人留意,原来A6300改用咗铜製线路嘅感光元件,据讲可以令杂讯控制能力再提升。大家可以见到同A6000比较,今次A6300虽然非扩充感光度最高係ISO25600,即係同A6000一样,但就可以扩充多一级,达ISO51200。单睇数字好难估计係咪真係劲咗,试一试最实际:

[试用]Sony A6300值唔值得升级?

从以上相片睇到,可接受感光度大约介乎ISO1600至ISO3200,相比几年前笔者试嘅A6000,表现相若。留意唔係放到100%的话,去到ISO6400都仲接受到,以APS-C机种嚟讲相当不俗。

[试用]Sony A6300值唔值得升级?
[试用]Sony A6300值唔值得升级?◆ 其他实拍相,可按下放大原相观看。[试用]Sony A6300值唔值得升级?
[试用]Sony A6300值唔值得升级?◆ 其他实拍相,可按下放大原相观看。

外形与专业功能
A6300喺外形上几乎冇改变,但其实机身改用镁合金製造,拎上手感受到更加硬净,不过代价係部机重咗60g,相当于A6000近20%重量,手感完全唔同。不论EVF定LCD显示效果亦有提升,睇落更加悦目。此外A6300配备唔少A7RII新增嘅专业功能,例如插住火牛或流动电池影相同拍片、静音快门、自动ISO快门限制等,功能强咗好多。

[试用]Sony A6300值唔值得升级?
◆ 无论EVF定LCD,今次都係造靓咗。[试用]Sony A6300值唔值得升级?
◆ 仲有个小升级,就係多咗个AF/AEL拨杆。[试用]Sony A6300值唔值得升级?
◆ AUTO ISO速度限制。[试用]Sony A6300值唔值得升级?
◆ 静音拍摄,即係全电子快门。

总结

除咗画质同外形设计相同之外,A6300嘅功能基本上已全面提升,但对于A6000用家嚟讲可能唔够动力放机再补一大笔钱升级。如果大家本身用紧其他较入门嘅无反,想升级又唔想上FF,现时A6300係一个唔错嘅选择。